Gwi ra sai ningbaw ningla ni

Yangon Marang gaw chye ai hte maren…hkring dat , a king bai htu dat ...a king htu na mare ka ang hka ing jang ...jan bai ja ....ar la..grai chye na yak ai rai sa...Ya Net seng a shinggan kaw marang a king ,grai htu nga ai…Net seng kata kaw ngai , KIO ni a shiga hpe marang htu taw ai pi n dum hkra myit lawm let hti taw nga ai ..KIO hpe Ga Jarit Sin hpung galaw u da….ar gar ..nye myit ni grai pawt mayu mat ai, lang da ai mouse hpe hta gabai kau na zawn she nga mat ai ..
A hkaw a hkang lu la na matu hkum tsun ..roi rip naw hkrum sha taw nga ai myu sha ,mung sha ni hpe matut na roi rip na maw ai. Moi gaw, gaw da ai tara n pu kaw n chye masu su na roi ai…ya gaw ,tara shang roi na maw sai..Shinggin masha hku na a hkawng a hkang hpring hpring a sak n lu hkrung shi yang …asak hpe ga dun kau na maw ai ..Kachin ngu ai Jinghpaw wunpawng myu sha ni hpe shamat kau na hken taw nga ai ..Dai zawn re ai n gaja la ai ,myen asuya a masing ni kaw na makawp maga ya taw nga ai shang lawt hpung ni hpe wa Ga Jarit Sin hpung galaw na da…ngai lu …grai pawt mayu ai wa…dik sa…
Ndai hku ahkat ai aten hta anhte a Du ,ning baw ningla ni, myu sha ni a matu makawp maga ,gasat na wa n gwi n gwi ai n sen ni pru wa ai majaw myit kata kaw grau myit npyaw mat ai …Dai zawn n gwi n gwi re ai shiga hpe lu hti taw nga shaloi , ngai BARS pang langai kaw lung taw ai shaning, Jahtum jawng ma ni hpe shakram poi hta ..ja htum jawng ma langai n gun jaw ai ga hpe bai myit dum wa ai …dai gaw ‘ anhte Jinghpaw ni gaw mu langai galaw yang grai shakut , grai kang ka , grai ram grai byin ma ai raitim dai mu hpe myit daw dan galaw hpang mat na matu …grai n gwi ma ai . Dai gaw anhte Jinghpaw ni a gawng kya lam re ..dai hpe sha ,anhte a tsawm lu galai, sharai kau jang gaw lam shagu hta awng dan na re’ nga, jawng matut lung na ganau ,manang ni hpe n gun jaw ai .
Re , anhte myu ni gaw madu a mu magam bungli kaw sadi dung ,kang ka ai ,shakut ai myu ni re majaw awng dan lam hpe a loi sha lu la chye ai …raitim anhte a ningbaw ningla ni wa madu a myu sha ni a ahkawng ahkang hpe makawp maga ,gasat hpang wa na n gwi daw dan ai she rai kun …daw dan ai lam kaw grai lanyen nga ai hpe mu mada ga ai....Dai hku sha naw rai nga yang gaw…myu sha ni a ahkawng ahkang n nga mat ai sha n ga …roi rip hkrum , a myu htum mat na rai nga ga ai ..
Dai majaw Ningbaw ningla ni gwi gwi daw dan n na myu sha ni a matu lam woi , shakut sa na hpe n gun jaw mayu ai …Myu sha ni a matu nga na kaja ai lam de woi sa,daw dan ai teng jang gaw ..myu sha ni mung myit mang ai lam langai hte sha dai daw dan ai hpe shakut hkan sa mat na hpe kam nga ga……

Myu sha lam yan hta ...zi la...

Dingdung de na jawng ma ni

Nog Mung kaw internship de laika sharin hpang wa ai bat lahkawng rai sai.Ngai na gawp kaw music sharin na matu Black Board n tsa kaw do,re,mi,fa,so,la,ti,do nsi note hpe ka dat ai ….Jawng ma ni ngai ka dat ai hpe hkan ka na matu laika bot ni shaw taw nga ma ai…N myit mada ai sha jawng num shayi a laika bot hpe yu hkrup ai …..laika bot gaw kachyi mi ding sa taw nna hkayawp hkang ni mung laika pi je na daram bin taw nga sai….dai laika bot hpe galam dat ai shaloi ..laika pa ni kaw nsi note ni , sin praw , sin na n sen nga ni, KBC kaw na shapraw da ai Music level 1 a chapter 1 kaw na chapter 5 du hkra ka taw da ai hpe ngai mu lu ai….Sara galaw ai ngai pi hpa nka shi yang …dai num sha laika bot kaw chapter 5 du hkra ka da ai hpe yu na ….myit kaw myu mi hkam sha nna mau mat ai….dai hte ….ngai na myit kaw san mayu ai myit rawng wa ai hte " nang ndai laika ni hpe gara kaw na yu ka da ai rai ? " ngu dai num sha hpe san dat ai …dai num kasha mung " Lai wa sai , lahkawng ni daram kaw Internship hpung ni sharin ya ai kaw na hkan ka da ai re " ngu ..gaya ai myi man hte bai htai ai ..
Shi dai hku htai dat ai hte …..laiwa sai lahkawng ni daram kaw anhte hta pang lahkawng ning kaba ai hpu shawng ,hpu ba jawng ma ni Nog Mung de internship kalang sa ai hpe dum dat ai …aw …dai rai yang dai shayi sha na laika bot gaw laiwa sai lahkawng ning kaw na rai nga ai….matsan dum sai hku re…ya du hkra dai laika bot hpe naw lang taw nga ai …kaga jawng ma ni hpe shan hte n chye hkra hkan sagawn yu shaloi kaga ni mung dai shayi sha zawn sha re…anhte jaw ai laika bot nnan hta lai nna …yawng ngu na daram gaw moi ding sa laika bot hpe sha matut lang taw nga ai ….Lawu ga kaw shata lahkawng hta laika bot lahkawng ,laning mi hta laika bot 6 daram galai lang taw nga shaloi….Nog Mung kaw na jawng ma ndai ni gaw lahkawng ning raitim laika bot langai hpe sha naw lang ra taw nga ai…..lahkawng ning daram kaw laika bot langai n ma ai gaw hpa na rai ? grai lu zing da ai majaw kun ? jawng n lu lung ai majaw kun? jawng kaw laika nsharin na i? jawng sara n nga na i? laika bot hpe manu shadan na i? laika bot mari na gumhpraw ma tsan na kun?.....dai lam ni hpe yu jang Nog Mung kaw na ni laika hpaji hte seng na grai naw gawng kya taw nga ai hpe mu mada ga ai …Myo langai re ngu ..Myen asuya ni matsing da ya tim..laika hpaji madang gaw mare langai zawn grai naw nem nna ra rawng gawng kya taw nga ai …matut na mu lu ai gaw …laika bot mari na pi grai yat hkat jamjau taw nga ai Wunpawng myu sha jawng ma ni re ngu hpe mung mu mada ga ai…..
Ndai laika hpe hti nga yang Nog Mung kaw na jinghpaw wunpawng myu sha jawng ma ni a hpaji lam hpe myit yu matsan dum nga ai shaloi…ngai gaw….Jinghpaw mung daw buga ni rai nga ai …Chihpwi , Bamaw, Danai,Sadung , Hpa Kan maga de na… mare kaw nga ai …laika n lu sharin ai sha yak hkat jam jau ..hkau na pa kaw sha mu galaw ra nga ai …Jinghpaw Wunpawng ramma ni hpe myit yu nna matsan dum nga ga ai law…..

zila ...May 20 2009 12:30 AM

Lagawn(Lazy)

Ramma ngu gaw kalang lang shut chye ai re…..raitim kalang lang hta jan na shut jang gaw ramma ni byin chye shut chye ai lam n re sai….dai gaw Lagawn ai majaw she rai sai….ngai na prat hpe bai myit sumru yu ….aw….ngai mung lagawn ai lam ni grai law wa sai rai nga….dai lagawn ai marang e lam shagu hta hkrat sum ai lam grai law mat sai rai ….jawng laika hta mung a mart ni yawm she yawm wa sai…..dai hta yang hpang e gaw hkrat ai maga de du wa sana re….Ngai grai shakut na ngu tang da ai English laika mung a nya she a nya wa sai …..Lagawn ai a majaw nye hkum ngai control a tsawm n lu galaw wa sai …dai hku byin ai matut manoi manghkang gaw shi shara hte shi a tsawm n chye nga,nchye sa , gum hpraw mung atsawm n chye jai ( hka ni gaw law she law…) shi aten hte shi galaw na lam ni arai a ya byin wa sai …dai ni hpe myit dat yang grai myit npyaw nna,ngai na ramma ngu manu ja hpu grai hkrat wa ai zawn hkam sha ai …Lagawn ai a mang hkang kaba gaw shana hkring 2 ,3 daram du hkra …..sumla hkrung yu ….jahpawt n htoi htoi ,jan grai du hkrat yup jan taw…..sha ,yup,hkawm sa ai aten ni mung grai n jaw wa sai …..Ngai chye myit ai ramma madang de du wa sai re majaw ….ngai na mabyin hpe masha ni n chye tim ngai hkrai ngai grai gaya ai…Grai lagawn ai majaw Karai Kasang hte kyu hpyi ga shaga ai pi…..Wa Karai Kasang e …nang chye ai hte maren re law…Amen ….ngu sha hpyi ti ..shi mung grai pawt na sai……Lagawn ai …lagawn ai hpe jai lang lagawn taw nga shaloi gaw grai pyaw ai ….raitim lagawn ngut ai hpang mahtai pru wa ai shaloi gaw myit hpe grai nga yak shangun nna, myit hpe hkam sha shangun ai…shana shagu laika yu na ngu nye a matsing hpe dai lagawn ai gaw a loi sha dang kau ai…..Matsing gaw nga tim myit masin n gun n jaw na lagawn ai lam n pu kaw dai matsing hkrat sum mat sai re ….nye a prat bawring lam matsing hpe hkrat sum na matu dai lagawn ai lam galaw taw nga ai …..Ndai lagawn ai hpe n ning dang jang gaw …nye a prat mungkan ..lagawn ai a mayam tai mat sana re….Ya kaw na dai lagawn ai lam hpe nye a myit masin n gun a tsam, Karai Kasang hte rau ningdang mat sana re law……..

Wa Karai Kasang e….Lagawn ai hpe ning dang, awng lu na matu a tsam hpaji ni naw jaw rit …..Amen…..

Zila …

Salum hpe bai jep ra sai

13.5.09 ,shana jawng kaw na bai wa ai hte Kahkri langai a shangai n htoi ang na ,manang grai law hte sa ai …..kabu lawm ai …nawku ai aten hta Nog Mung kaw nga shaloi n gun lu wa ai lam sak se hkam lu ai re….grai pyaw ai …grai pyaw ai ….party kaw bai wa , online lung ,email check yu jang ngai grai mying shang sha , grai tsaw ra ai num kasha …laika ka da na hpe chye ti….myit grau pyaw ai ….pyaw ding yang re… .shana 9:30 rai sai….aw …ya …ngai prepaid member card galaw da ai ,internet seng mung du sai.. Mozilla kaw www.gmail.com ka dat sai…Username shara kaw gunlattsl nga na ka bang dat sai ..n pu kaw na Passwords kaw ******* ngu ka bang dat ai hte ..grai n na shi shaloi….Compose , Inbox ni lawm ai google functions ni pru wa sai ……..ha ! shi laika sa da ai ….lahkawng ting ….htang da ai hte maren grai pyaw mat sai ….shi laika kaw …shi, myen mung ( buga) de bai wa sana …shi daw dan ngut sai da …..shi sarama mung shi wa na matu a hkang jaw sai da…….shi wa na nga na ngai pyaw ma pyaw ….pyaw ma n pyaw ai zawn hkam sha ai …pyaw ai gaw shi myen mung de bai wa na nga na…..mungdan langai kaw sha nga jang grau na ni ai zawn hkam sha ai le…myit npyaw ai gaw …shi hte shani shagu n lu hkrum sana…..hpa na i nga jang ,ngai nga ai Yangon hku wa na n re majaw..shi gaw npu lam hku sa mat n nan ….mungdan masa , myu masa hte seng ai hpaji ni wa sharin ai , ya shi n pu lam hku sha bai wa na re…ngai hte n lu hkrum sana…dai lam ni myit na myit kaw myu mi hkam sha ai ….yawn yawn ai zawn hkam sha ai ….shi hte hkrum na matu grau yak mat sana…shani shagu shi hte hkrum , ga shaga lu sana nre…..ngai, shi hpe myit shang sha ai lam ni shani shagu lu ka dan sana n re…dai lam hpe myit yu ti na ya kaw na shi hpe grai dum taw sai …..shi hpe grai dum ai ..grai ma hkrum mayu ai….dai lam ni hpe shi gaw chye na ya na kun nchye ai ?......shi ,ngai hpe mani hpa tsun dan ai ni, shani shagu laika ka ,chatting dung ai ni….kalang lang n myit mada ai kaw …tsaw …ngu tsun wa ai ni …..dai lam ni hpe ….ngai gaw a ja a wa dum taw sana re…..shi nnga ai online kaw ngai kadai hte ga shaga na ma…..kaga masha ni gaw ngai hpe shi zawn myit pyaw mani hkra lu galaw sana nre….shi hte online kaw hkrum jang grai pyaw ai …..ya shi online kaw n nga jang gaw deng lu pyaw na i?..online de lung ai mung lachyum n pru mat sana ……shi hte lu hkrum na matu …shani shagu online lung ….ya shi online kaw n nga mat jang gaw….shani shagu online lu na matu shi woi shaman da ai ndai keng lailen mung …hpang e gaw mat sana re……shawoi gaw hking 10 prepaid card hpe lahkawng ya sha lang ai ……ya hpang e gaw dai card mung ….shata hku lang wa na n hten ….dai lam ni hpe myit yu jang n ja n hpra yawn ai …shi n nga ai online kaw ngai hpe YUP HPU (grai yup gin ai wa) ngu kadai mung shala na tsun sana nre…..grai dum ai yaw…shi myen mung bai wa na wa myit npyaw ai grau law taw ai ngu gaw….shi nga ai buga hte ngai na buga gaw…dingdung ding da re ….shi nga ai buga gaw du na matu grai yak ai …grai tsan ai …hkrum lam grai jamjau ai……raitim mung kade daram hkrum lam yak u ga …kade daram tsan u ga.....shi hpang de ngai lu sa na i ngu ….ngai na tsaw ra myit hpe ngai jep na aten mung du wa saga ai …..shi myen mung, buga de bai wa ai hpang daw de gaw …ngai hkrai shingtai online kaw marit let mau dung nga sana re………………..


Ndai laika hpe lu hti ai manaw manang ni hpe hpyi lajing mayu ai ……la ma wa …manaw manang ni shi hte hkrum jang ngai grai dum ai lam …grai grai tsaw ra ai lam kachyi mi….shi salum byawng mat ai du hkra naw tsun ya rit yaw……
Zila (yup hpu) May 13 2009 , 11:00 PM

Nog Mung

Nog Mung

N-bung gaw ka tsi
Bum tsaw ni gaw sit lali

Katsang nga mu la ai
Rawang shayi ni grai tsawm ai

Shadang sha ni grai zet ja
Shayi sha ni myit shang sha

Rawang sha ni myit san tsawm
Nye myit ni dum a tsawm

Du ai aten kadun la
Nye myit hta alum ala

Gaya chye ai myi man
Hku hkau lam hta lawan

Ndai kalang du
Hpang kalang mung bai du mayu

Hpamara ngu shachye shaga
Hkau lu ai shaloi shaga
Hka bra na ten mung ga ndai sha

Aw....wa na ten mung du
Nja nhpra myit ni prut tu

Bum ntsa sum mwi ni ka up
Kraw kata yawn ai myit tup tup

Rawang hkring hpe mu shagu
Nog Mung hpe dum lu

N-bung katsi ni bung yang
Nog Mung hpe marit lang lang

Sung xing nge ( tsaw ra ai )Nog Mung
Karai chyeju hpying ai mung

HKristu hpe hkap la
Yawng a myit masin hta na

Myu sha ni zin lum ga
Madu Yesu hta

Grai tsawm ai buga ndai
Ga shakawp n ma n ngai.....

Zila
May 11,2009 11:30 PM